بوتاجاز زانوسي تسيت ماكس من الأنواع الهايلة في زانوسي، فيه 5 عيون والعيون إيطالي خاماتهم عالية ونارهم حلوة جدا ومنهم عين ثلاثية الكبيرة، اشعال ذاتي فرن، الفرن حجمه كبير والمروحة الداخلية بتوزع الحرارة بشكل رائع وبتخلي التسوية متكاملة وسريعة، فيه تايمر وفيه أمان انه يفصل الغاز تلقائي لو العين اتطفت لأي سبب، ومعزول بشكل عالي من الجوانب، تنضيفه سهل علشان ستانلي لكن المروحة في الفرن مش أسهل حاجة في التنضيف، وفي كمان مروحة تبريد لواجعة البوتاجاز علشان تبرد المفاتيح وقت تشغيل الفرن، الحوامل الزهر جميلة لكن تقيلة ومحتاجة تتنضف أول بأول، الباب زجاج شفاف ومميز اني بقدر أتابع اللي جوا بدون ما افتح خاصة في الكيك، في 6 سيخ شوي، الرجلين المطاط بيحافظوا على ثباته عالسيراميك، البوتاجاز فعلا مثالي رغم سعره العالي.