مميزات وعيوب ساعة ذكية شاومي مي باند 5، اسود - XMSH10HM

• 

  أحمد وجيه

  (5 أشهر، 1 أسابيع ago)

  شاومي مي باند5 مفيهاش جديد يذكر عن الإصدار اللي قبلها 4، لكن في العموم كسعر ومواصفات تعتبر جيدة، الشاشة حجمها 1.1 بوصة وأموليد سطوعها عالي وبالألوان والمعلومات واضحة فيها، بتعرض كل الإشعارات اللي بتيجي عالموبايل سواء من التطبيقات أو الرسايل أو المكالمات، بتحافظ عاللياقة البدنية من خلال عرض كل البيانات اللي تخص الصحة زي معدل نبض القلب وحساب خطواتك في كل أنواع الرياضات سواء أرضية أو مائية وبتحدد نوع السباحة اللي بتلعبها في عن طريق حركة الذراعات، وبتحسب نبضك وعدد السرعات اللي بتحرقها في اللعب في أماكن مغلقة وأماكن مفتوحة علشان تقدر تحدد الأفضل، بتنبهك في حالة الخمول الزائد، بتتوافق مع الأندرويد وآي أو إس وأي نوع، مقاومة للماء لحد 50 متر ومقاومة للغبار، الشاشة محتاجة ستيكر حماية لأنها معرضة للخدش، ومش بتدعم اللغة العربية، بتقدر تصور من خلالها، البطارية أضعف من الإصدار السابق، في وضع الاستعداد بتستمر 14 يوم.