مميزات وعيوب White Point WPVF 321 S - فريزر - 6 درج - نوفروست - ١٩٠لتر

• 

  رشا أبو القاسم

  (6 سنة, 10 أشهر ago)

  الديب فريزرنوفروست يعني مش هيكون ثلج ودا بيخلي في سهولة في تنظيفه بأسفنجة وصابون وقطعة قماش ،العملية دي ممكن تكرريها مرة شهريا للحفاظ على نظافة أدراجه من الداخل . المستخدمين شايفين أن مساحة الدرج ضيقة وبمقارنة هذا الكلام مع سعة التخزين فنجد أن سعة تخزينه هي 107 لتر فقط ودي مساحة تخزينية غير متواقفة مع الست أدراج. الديب فريزر رأسي يعني مش هياخد مساحة سطحية بس هياخد مساحة حائطية ،ومن أبعاده تقدري تحددي إذا كان مناسب المساحة بتاعتك ولا لأ،فالمميز فيه أنه مش عريض فهيساعدك دا في وضعه في المكان الي عايزاه بسهولة . بعض المستهلكين بيجده غالي السعر وإذا وضعناه في مقارنة مع ماركات أخرى هنلاقي في عدد أدراج أكثر وبنفس السعر. أدراجه متعددة بدل الواحد 6 أدراج تقدري تحطي فيه كل اللي محتاجه وكمان فيه 2 رف متحرك لوضع مكعبات الثلج وإستخدامها . الي احتاج قطع غيار من المستخدمين لقى إن قطع الغيار ثمنها مرتفع لأنه بيتم إستيرادها من الخارج فهو صناعة تركية الجهاز فيه خاصية التجميد السريع ودي خاصية هتلاقيها في معظم الديب فريزر الحديثة وهيساعدك في تجميد الأطعمة المستعجل عليها في وقت أقصر من وقت التجميد العادي. ديب فريزر وايت بوينت بضمان العبد ومعاه ضمان خمس سنين كاملة ،وخدمة عملاء العبد خدمة محترمة ويمكن التواصل معهم على الخط الساخن 19595، ولكن من خلال تجربة سابقة لو إحتجت قطع غيار من شركة العبد لن تحصل عليها على الفور على الأغلب ولكن بتظل في قائمة الإنتظار للحصول عليها ودي حاجة بتعوقك عن إستخدام الجهاز لفترة حتى يتم اصلاح العطل الموجود فيه.