ثلاجات وايت بوينت من التلاجات اللي ليها سمعتها الحقيقة والناس اللي أعرفهم وعندهم التلاجة دي بيشكروا فيها جدا، علشان كدا عرفت عنها كل حاجة لأني عايزة اشتريها، تبريدها سريع وواسعة من جوا ومقسمة أرفف بايركس شفاف والفريزر كمان في رف ودا بيخليه منظم أكتر، نوفروست بتدوم التلج تلقائي لكن دا بيخليها تسحب كهربا أكتر من التلاجات العادية لكن أريح ميت مرة والخاصية دي بتدبك مساحة التلاجة كاملة طول الوقت لأن التلاجات اللي بتعمل تلج بياخد من مساحتها كتير، فيها مكان علوي في التلاجة بتحتفظ فيه باللحوم طازة لفترة كويسة، فيها درجين خضار، وبتوزع الهواء بنظام تبريد ثلاثي الأبعاد اللي بينشر الهوا البارد يقوة في كل أنحائها ودا بيمنع الرطوبة اللي بتخلي الأكل يتعفن، والهوا بيفصل لما تفتح التلاجة علشان متستهلكش عالفاضي، فيها طبقة عازلة علشان تحتفظ بالبرودة عاليه داخل التلاجة، ونظام تروبيكال اللي بيناسب المناطق الاستوائية أو الحارة، مطليه بالإيناميلد القوي ضد التآكل والصدا، وعليها ضمان 5 سنين