مميزات وعيوب غسالة ملابس توشيبا فوق أوتوماتيك 10 كيلو لون أبيض مزودة بطلمبة AEW-9770SUP

• 

  Soha Ahmad

  (5 سنة, 8 أشهر ago)

  غسالة توشيبا الفوق أتوماتيك تحميل علوي دي من أحسن الغسالات اللي ما اختلفش عليها اتنين بجد، أولا حجمها كبير وانا عندي أطفال والأطفال بيوسخوا هدومهم بسرعة ويغيروا كتير واشي لبس تمرين ومش عايزة اقولكم، تنضيفها هايل ومش بتاخد وقت في البرامج بتاعتها يعني بنجز بسرعة جدا غير الأتوماتيك اللي ببات واصحى جنبها، منا أصلي عندي الاتنين، من أهم مميزاتها اني بغسل فيها البطاطين مرتاح واللحفة والفرش والستاير كله بمنتهى السهولة وكنت بودي الدراي زمان قبل ما اجيبها والاقيني بعد شوية دفعت تمن الحاجة مرتين في الدراي! فيها برامج لكل أنواع الغسيل العادي واللي محتاج نقع وبتنقع لغاية 160 دقيقة وطبعا بتختار فترة النقع بمزاجك يعني ممكن ربع ساعة مثلا، فيها نظام شلالت المية اللي بتتدفق بسرعة وقوة علشان تخلي الصابون يدخل في الأنسجة وينضف بقوة، هي استهلاكها للمية أعلى من الأتوماتيك، وطبعا موفرة جدااا في المسحوق غير الأتوماتيك خالص، انا عملتلها وصلة مية سخنة من السخان لأنها مش بتسخن علشان بحب اغسل الأبيض بمية سخنة، المروحة الداخلية بتاعتها ملهاش عمود مش زي غسالات تانية ودي ميزة كنت مركزة عليها لأن العمود بيلف الغسيل حواليه ويتشابك ويبوظ النسيج، لكن بالإضافة لكدا هي فيها تقنية ضد التشابك والهدوم بتطله منها بسهولة، فيها فلتر نساله بيلم الوبر من الغسالة ودا بيخرج الهدوم نضيفة تماما وبيتفكه وتنضفه كل فترة، الكلام مبيخلصش عنها من جمالها ياجماعة والله اللي بيفكر فيها يشتريها من غير تردد