مميزات وعيوب مكنسة كهربائية توشيبا 2500 وات لون أحمر × أسود مزودة بفلتر هيبا و فرشاة للأتربة VC-EA300

• 

  Soha Ahmad

  (5 سنة, 6 أشهر ago)

  مكنسة توشيبا الكهربائية ال 2500 وات هايلة في تنضيفها وسريعة جدا من كتر قوة الشفط بتاعتها وممكن تقلل السرعة طبعا حسب ما تحتاج، بتنقي الجو كمان مش بس بتنضف لأن فيها فلتر هيبا اللي بينقي الجو من الأتربة الناعمة والميكروبات وبالتالي بتحس فعلا بمعنى النضافة، عجلها كبير وسهل تحركه عالسجاد والأرضيات وليها موتورين لكن حاسة انهم بزيادة وكمان مخليين وزن المكنسة تقيل جدا ودي مشكلة فيها يعني اللي بموتور واحد كفاية برضه واعتقد هتبقى أحسن إلا لو تقدر تشيل، اليد بتتقصر وتطول حسب ما تحب وعبارة عن تليسكوبيك ولينة وسهلة في استخدامها وصوتها عادي، فيها كيس قماش للأتربة سعته 5 لتر يعني بتقدر تستخدمه فترة طويلة وبعدين بتنضفه وتنضيفه سهل بس بيعمل غبار ناعم فا يستحسن اللي ينضفه ميكونش عنده حساسية، معاها ملحقات وفرش بنضف بها الستاير والفرش والحقيقة بتفرق جدا والفرشة العادية بتاعة الأرضيات تربو قوية جدا، هي بس بتحتاج مساحة تخزين وحافظ عليها من الخبطات علشان متأثرش على الدوائر الكهربائية بتاعتها وطبعا تنضف الفلاتر كل فترة علشان تحافظ على تنقية الجو المكنسة هايلة بجد