مميزات وعيوب شفاط مطبخ توشيبا، 25 سم، ابيض - VRH25J10

• 

  أمنية عزمي

  (1 سنة, 7 أشهر ago)

  شفاط المطبخ توشيبا من أحسن الأنواع اللي ممكن الواحد يعتمد عليها في السوق، ودا بعد تجربة أنواع كتير لأني كنت بغير شفاط تقريبا كل سنة، كانوا فجأة بيعطلوا والموتور ما يشتغلش، لكن توشيبا بقاله فترة كبيرة عندي ورغم إني بشغله تقريبا طول اليوم لكن كويس جدا، خاماته حلوة وسهل في فكه وتركيبه، وفيه درج بيتجمع فيه الزيوت والصراحة حسيته ميزة وعيب، يعني ميزته ان الزيوت بتتجمع فيه مش بيسيل برا الشفاط لكن وقت التنضيف بياخد مجهود علشان أعرف أوصل للأركان وانضفها كويس لأنها بتبقى ضيقة، الشفاط بيشتغل شفط وطرد، وليه ريش من الخلف محكمة الغلق وبتمنع إن أي حشرات أو فيران أو زواحف تدخل، بيستحمل التشغيل الشاق وقوة شفطه حلوة ومش بيخلي فيه أبخرة أو زيوت في المطبخ وقت القلي والطبخ، وعليه ضمان 5 سنين من توشيبا.