مميزات وعيوب كبة تورنيدو، 400 واط، سعة 1 لتر، ابيض - CH-400S

• 

  Farida Ahmed

  (2 سنة, 9 أشهر ago)

  كبة تورنيدو ال 400 وات دي حلوة جدا والصراحة فاجأتني، فرمها للحوم سريع جدا وناعم بشرط تقطع اللحوم قطع صغيرة ولو عايز تحافظ على عمر الكبة شيل الشغت من اللحوم، لكن هي أصلا بتجمع الشغت حوالين العمود فا بتطلع اللحمة صافية لكن بتكون مقاومة وبتقصر عمرها، بتفرم البصل ناعم جدا وبتقطع الخضار وتفرم الطماطم ناعم أحسن من خلاط تورنيدو نفسه، السلاح بتاعها 2 فوق بعض وحاد جدا ودا بيخليه يفرم أسرع وطبعا ستانلس ستيل يعني بيتنضف سهل وضد الصدأ، الدورق بتاعها رغم انه 1 لتر لكن ليه حد أقصى هو اللي تقدر تستخدمه وبيكون حوالي نص لتر بس ودا عيب فيها لأنها مش بتاخد كميات كبيرة، مش بتاخد مكان في التخزين وسعرها معقول جدا وهتغنيك عن حاجات كتير جدا، بفرم فيها عجينة طعمية كمان، بس المهم تتنضف وتتهوى وتنشف كويس علشان اللحمة والخضار مكان بعض.