غسالة تورنيدو ال 6 كيلو عندي والحقيقة الغسيل فيها كويس جدا رغم إني أول ما اشتريتها كانت بتعمل صوت عالي وتترج والصيانة قالوا إن فيها مشكلة في رمان البلي وغيروه في الضمان وبقت كويسة جدا، خامات تصنيع الغسالة عالية جدا وتقفيلها نضيف وشكلها شيك، فتحة الباب كبيرة بقدر أدخل منها المفروشات الكبيرة بشكل سلس، وبقدر أغسل فيها بطاطين بس مش كبيرة، فيها برامج لكل أنواع الملابس ودا بيخليها تحافظ عالمنسوجات بشكل كويس، برامج 15 برنامج، وفيها خاصية تأخير بدء التشغيل ودي أنا عايشة عليها الصراحة ومهمة جدا، وفيها تعقيم لملابس الأطفال، والشاشة بتاعتها كبيرة ومريحة جدا في التعامل ولو فيها عطل بيظهر عالشاشة، وبتشتغل بنظام الغسيل الذكي عن طريق الموبايل بس مجربتوش، ورغم إن الموتور مش إنفرتر لكن تعتبر موفرة جدا في الكهرباء لأنها فئة A، مشكلتها إن قطع غيارها غالية ومش دايما متوفرة علشان تركي.