مميزات وعيوب تلفزيون سمارت تورنيدو 58 بوصة LED، بدقة UHD 4K ، بريسيفر داخلي - 58 US9500

• 

  Samy Wafeeq

  (3 سنة, 8 أشهر ago)

  رغم إن تورنيدو بيقول مواصفات عالية عالتلفزيون ال 58 بوصة ومفروض انه بدقة 4K UHD لكن الحقيقة ان الصورة تعتبر جيدة لكن أقل أكيد من الدقة المذكورة خاصة لو قارنتها بسامسونج مثلا، والصوت فيها متوسط، هو فيه ميزة ان الهيكل والمواد المصنعة منها الشاشة قوية ومتينة لكن المواصفات مش بالدقة المكتوبة، التلفزيون سمارت وبيتوصل بالإنترنت عن طريق الواي فاي لكن بيكون بطيئ جدا وبيقطع كتير، ومفروض انك تقدر توصله بالموبايل وتتحكم فيه من خلاله لكن التوصيل بالموبايل صعب جدا، التلفزيون ليد وسطوعه كويس لكن الصورة والألوان مش بالجودة المطلوبة، فيه 3 منافذ HDMI ومنفذين USB وتقدر تلعب عليه ألعاب بتكون ممتعة خاصة عالشاشة بالحجم الكبير دا، بتقدر تشوفه من أي زاوية ورفع الشاشة يخليك تقدر تعلقها عالحائط، في المجمل تقييمي ليه جيد لكن تفدر تشتري حاجة أحسن كتير بنفس السعر حتى لو بحجم أصغر لو حاطط ميزانية محددة.