مميزات وعيوب ملعقة سيليكون 22 سم مسكة خشب - Trudeau

• 

  Mariam Badawi

  (8 سنة, 10 أشهر ago)

  المعلقة دى نصها سيليكون و نصها خشب عشان تبقى سهلة و انتى ماسكاها ماتتزحلقش من ايدك. ممكن تستعمليها فى كزا حاجة: أولا و انتى بتعملى كيك أو مارينج أو أى حاجة حلوة فيها عجينة طرية بدل ما تحتاسى و متبقيش عارفة تنزلى العجيتة كلها ازاى و بدل ما تستعملى كابشة عادية أو ايدك عشان متوسخيش ايدك و عشان الكبش البلاستك برضو مش بينزلو الكيكة كلها استعملى المعلقة السيليكون دى. شوفتها بيستعملوها فى برنامج طبخ و قلت اجربها, بتنزلى عجينة الكيكة كلها مبيبقاش فى أى حاجة متبقية فى الطبق خالص, و بتفعنى بقى أوى لما بكون بعمل مارينج لأن المارينج بينفش جامد فى الفرن فا الكمية اللى بعملها اصلا اصلا بتكون صغيرة لواحدها فا كل حتة أد كدة تفرق معايا فى الكمية. اكتشفتلها انا بقى استخدمات تانية بالصدفة: مرة كنت بطبخ أكل عادى و بالغلط ايدى جت عليها بدل على كابشة بلاستك عادية فا قلت خلاص اقلب بيها و خلاص لاقتها مريحة أوى و بتقلب بسهولة و كمان بقى الحلو فيها انى لو نستها عالنار (جوة الحلة أو مسنودة كدة عالطرف زى ما كلنا بنعل) مش بتسيح و لا بتتأسر خالص بالنار أو السخونية. أنا بعد كدة رحت جبت منها كزا واحدة و بستعملهم على طول والله بجد حلوة أوى.