مميزات وعيوب Sharp ثلاجه شارب 16 قدم ديجتال ستانلس

• 

  Eleen

  (6 سنة ago)

  ثلاجة شارب 16 قدم ديجيتال ثلاجات شارب بضمان العربي يعني هنكون متطمنين من جودة خدمة العملاء والصيانة وتوافر قطع الغيار لان الحاجات دي لازم نعمل حسابها جدا.وكمان الميزة ان الضمان بتاعها 10 سنوات يعتبر من اكتر فترات الضمان الموجودة. الثلاجة بصراحة ممتازة وماشوفتش حد اشتكى منها حجمها كويس جدا يناسب اسرة عددها حوالي خمس افراد. كمان الثلاجة مزودة بمروحة لتوزيع البرودة في جميع انحاء الثلاجة لضمان سلامة الاكل بالداخل وكمان من مميزاتها انها بتمنع اختلاط روائح الاكل عشان فيها نظام البلازما. وكمان من الحاجات المهمة ان الفريزر بتاعها مزود بنظام النوفروست ودا حاجة مريحة جدا. والثلاجة مزودة بشاشة عشان تعرفنا درجة الحرارة ونقدر نتحكم فيها بسهولةجدا. وعجبني فيها الانذار بتاع لو نسيت الباب مفتوح او ماتقفلش حلو الانذار بيعمل صوت عشان ينبهنا وده بينفع اوي في البيت اللي فيه اطفال ويروحو يفتحو الثلاجة ويسيبو بابها مفتوح. عيب وميزة في نفس الوقت ان الأرفف مصنوعة من الزجاج المقوى المقاوم للكسر شكله بيكون حلو وسهل التنظيف و لكن  ممكن التحميل الشديد يسبب شرخ عشان كدة انا بفضل الارفف البلاستيك. الثلاجة مش بتعمل صوت بالعكس هادية جدا يعني لو حد مطبخه ضيق سهل انه يضع الثلاجة في اي اوضة ومش هيقلق من صوتها.

• 

  Soha Ahmad

  (5 سنة, 10 أشهر ago)

  من أكتر التلاجات اللي عليها إقبال تلاجة شارب ال16 قدم لإنها فعلا كلها مميزات، فيها خاصية نوفرست، ومساحتها كلها مستغلة من جوا، تبريدها سريع وكفائتها عالية، ضمانها 10 سنين، أرفف داخلية ودرجين للخضار من البلاستيك الشفاف القوي اللي بيتحمل الأوزان وفي نفس الوقت بتقدر تشوف من خلاله الخضار وسهل التنضيف، فيها باب داخلي علوي في التلاجة اللي بحفظ فيه اللحوم طازة مدة طويلة، إضاءة ليد داخليه وشاشة ديجيتال إلكتروني خارجية، فيها تقنية البلازما كلاستر اللي بتنقي الهواء من الميكروبات والفيروسات والروايح الكريهة وبالتالي الأكل بيبقى طازة طول الوقت، وفيها نظام هايبرد اللي بيوزع الهواء بشكل سريع في انحاء التلاجة وبيمنع الرطوبة، وبتفصل أتوماتيك لما باب التلاجة يفتح، بتوفر في الكهربا مقارنة بمثيلاتها النوفروست، فيها تقنية صندوق التلج اللي بيحافظ عالأكل مجمد 8 ساعات لو الكهربا قطعت، خدمة العملاء مسواها كويس جدا وقطع الغيار متوفرة لكن أسعارها غالية ومش موجودة غير في التوكيل زي الأدراج مثلا لكن عامة تلاجة رائعة فعلا