مميزات وعيوب Samsung UA55AU7000 - 55-inch 4K Ultra HD Smart TV

• 

  Samy Wafeeq

  (2 سنة, 1 أشهر ago)

  سامسونج فئة ال AU7000 كويس جدا بس في تركات لازم تعرفها الأول، أولا التعامل مع الريموت كنترول في الأول صعب لأنه شكله غريب وبدون أو أرقام وأخدت فترة على ما استوعبت التعامل به، لكن إمكانياته عالية، تاني حاجة لاحظتها إن رغم إن ألوان الشاشة ووضوحها عالي لكن لما ركبت رسيفر خارجي الصورة فرقت في جمالها بشكل كبير رغم إن فيه رسيفر داخلي وبيشتغل زي الفل، وبتقدر تتعامل مع أي أجهزة آبل وتبث من خلالها أي محتوى عالتلفزيون بالإضافة لميزة Air Play 2، خاصيةHDR هتشوف كل التفاصيل الخفية بدون ما يفوتك أي تفاصيل صغيرة بشكل رهيب، وضوح عالي ونقي وتفاصيل دقيقة في كل المشاهد سواء ساطعة أو مظلمة وصوت واضح ونقي ومحيطي، وممكن توصله بأي أجهزة غير سامسونج سواء سماعات خارجية أو أي جهاز، الشاشة سمارت بتوصلها بالنت واليوتيوب وسرعة التنقل بين القنوات مقبولة، فيها كل المداخل اللي ممكن تحتاجها HDMI USB LAN ومبسوط به جدا.