موبايل سامسونج جالاكسي A12 من موبايلات الفئة المتوسطة اللي بتحاول تنافس في السوق، حجم الشاشة ودقتها عادي رغم إنها كانت ممكن تكون FHD بفرق بسيط، نظام التشغيل فيه أندرويد 10 وبيتحدث لأندرويد 11، فيه إصدار بشريحة واحدة وإصدار بشريحتين، وفيه منه إصدارات مختلفة 2، 3، 4، 6 جيجابايت رام، والذاكرة ما بين 32، و64، وأعلاهم 128 جيجابايت وفيه منفذ SD Card، الكاميرا الخلفية فيه ممتازة في فئته 48 ميجا بكسل لكن مش بتصور فيديوهات 4k، والكاميرا الأمامية فيه ضعيفة ولو بتصور من غير إضاءة الصور بتكون ضعيفة جدا، البطارية فيه كويسة جدا 5000 مللي أمبير وفيه منفذ USB-C وبيدعم الشحن السريع لكن بقوة 15 وات، الموبايل فيه راديو إف إم وبينفع تسجل منه، وفيه بلوتوث 5.0، وبيفتح بالبصمة، من عيوبه إن رغم ان خاماته بلاستيك لكن وزنه تقيل ودا بيرجع للبطارية، وبييجي بدون أي طبقة حماية للشاشة ولا فيه حماية من المية، والمنافسة فيه مش لصالح سامسونج.