مميزات وعيوب Samsung غسالة الأطباق - 14 شخص - 7 البرامج - فضي

• 

  Mona El Bagoury

  (6 سنة, 4 أشهر ago)

  غسالة الأطباق سامسونج مرنة جدا وسعتها كبيرة يعني بتكفي استخدام 14 شخص وكمان مصنوعة من مادة الأستانليس ستيل المقاومة للصدأ.. نيجي بقى للمهم وهو عملية التنضيف، غسالة الأطباق دي مزودة بـ 7 برامج غسيل تقدري تختاري ما بينهم، وكمان فيها شاشة رقمية عشان توضحلك تفاصيل عملية التنضيف زي البرنامج اللي أنتي اخترتيه وفاضل قد أيه. من ضمن برامج الغسالة، هتلاقي برنامج الغسيل السريع اللي مدته بتوصل لحد 35 دقيقة وفيه برنامج تاني مدته ساعه البرنامجين دول بيساعدوا في تنضيف الأطباق بسرعة كبيرة، وكمان فيها برنامج الشطف الصحي اللي بيساعد في تطهير الأطباق والحد من البكتيريا من خلال تسخين المياه حتى 70 درجة مئوية والحفاظ على درجة الحرارة دي لدقائق إضافية وبالتالي هتخرجلك الأطباق نضيفة تماما وصحية وأمنه من أي بكتيريا‏، بس غسالة الأطباق سامسونج زيها زي أي غسالة أطباق تانية لازم تنضف بنفسك الحلل أو الأطباق من بواقي الأكل قبل ما تتحط في الغسالة، وبتختلق بردو عن الغسالات التانية في أنك مش هتحتاج تستنى لحد ما تتملي الغسالة بالكامل يعني ممكن تحط فيها عدد قليل من الأطباق وتغسلها بشكل كويس جدا.. ورغم كل المميزات دي هتلاقي أنها بتحتاج مكان كبير عشان تحطها فيه وكمان مش مناسبة للناس اللي دخلهم متوسط ده لأن سعرها عالي جدا.