مميزات وعيوب Mienta - Dough Hook Set - KM382

• 

  Mariam Badawi

  (8 سنة, 10 أشهر ago)

  أنا بحب أعمل حلويات كتير و بحب أعد أجرب فيهم لحد ما يتظبطوا. عمرى ما كنت بحب أعمل التشيز كيك خالص عشان عمرها ما كانت بتطلع مظبوطة, دايما بيطلع فيها حاجة غلط يا اما الكراست بيطلع وحش يا اما الجزء اللى فوق بتاع الجبنة بيطلع ناقصه حاجة. المهم مرة فى عيد الأم كنت عملاها لمامتى و كنت جايبة وصفة جديدة و فرحانة بيها أوى و الحمد لله طلعت مظبوطة أوى, كانت أحلى مرة عملتها فيها و طالعة زى بتاعت برة بالظبط و لا أكنى جايباها من محل حلويات محترف. بس المشكله بقى انها لزقت فى الصنية اللى كنت عملاها فيها و لما حاولت أطلعها ابتدت تتكسر منى فودتها زى ما هى بصنيتها و اتحطت على السفرة كدة و كانت شكلها وحش أوى. أنا زعلت أوى يوميها و قررت أجيب صنية من الصوانى اللى بتتفتح و أعدت أسأل على أحسن الأنواع لحد لما واحدة صاحبتى قالتلى على دى و جبتها فعلا و جربتها بنفسى و بجد لقتها حلوة أوى! بتتفتح من على الجنب و بترفعى الجزء اللى فوق و بعدين بتزحلقى التشيز كيك من على الأرضية بتاعتها, أصلها معمولة بطريقة بتخلى مافيش حاجة تلزق فيها أبدا. ممكن يتعمل فيها كيكة عادية كمان بس أنا بستعملها لما باجى أعمل أى نوع حاجة حلوة ممكن تلزق فى أرضية الصنية زى التشيز كيك و تورتة موس و أى حاجة بيتعملها طبقة من تحت يكون فيها زيت أو زبدة. و لو عايزة كمان ممكن تقدمى الحاجة حلوة الللى هتعمليها على أرضية الصنية شيلى بس اللى فوق و سبيها بيكون شكلها شيك على السفرة و بيسهل عليكى بدل ما تقعدى تدورى على حاجة تقدميها عليها.