مميزات وعيوب مكواة بخار للكي الجاف من باناسونيك NI-JW660T - زهري

• 

  Mona El Bagoury

  (6 سنة, 3 أشهر ago)

  المكواة دي بتعتبر 2 في 1 لأنها فيها كي جاف عادي وكي بالبخار، واللي من الممكن الاختيار ما بينهم من خلال زراير محددة في المكواة، وكمان المكواة مزودة بقاعدة مطلية تيتانيوم مانع للالتصاق وواخده شكل بيضاوى وده بيساعد في كوي الملابس بشكل سلس وبتتميز بميزة نفث البخار عشان تغطي 25 مساحة زيادة، وفيها ميزة التنظيف الذاتي يعني المكواه هتقدر تنظف خزانها بنفسها، وكمان ميزة منع تكوين القشور الكلسية في المكواه، وكمان فيها خزان كبير للمياه سعته 200 مل بس الخزان ده غير قابل للإزالة، ده بجانب تميزها بمانع تقطير المياه يعني بعد ما تملى فلتر المياه وتحركها أو تقلبها هتلاقي أنها مش بتنزل أو تنقط مياه خالص، وبخاخ مياه للحصول على رطوبة أكتر للملابس حسب الحاجة، بس للأسف المكواة بتسحب كهرباء كتير وفيها مؤشر ضوئي قابل للتشغيل والإيقاف بيفصل لوحده عند الوصول لدرجة الحرارة المحددة وده بفضل خاصية الإغلاق التلقائي اللي بردو بتخلي المكواة تفصل كهرباء لوحدها لو فضلت فترة من غير ما تتحرك ودي طبعا خاصية آمنة جدا، وكمان فيها خاصية البخار الرأسي اللي هيخليك قادر تستخدم المكواة حتى لو كانت واخده وضع رأسي، كل المميزات دي بتخلي المكواة سعرها يكون غالي شوية أما لو اتعرضت المكواة لأي عطل أو كسر أو احتاجت صيانه هتلاقي كل ده متوفر في توكيل باناسونيك اللي بيقدم خدمات دعم فني وخدمة عملاء على أعلى مستوى