مميزات وعيوب مروحة نوفال ستاند بالشحن فانسي 16 بوصة

• 

  Eleen

  (6 سنة ago)

  مروحة نوفال ستاند بالشحن فانسي مروحة مش عادية لانها ممكن تشحن وتفصل منها الكهربا وتشتغل عادي ودي طبعاً ميزة مفيش حد يقدر ينكر اهميتها لما الكهرباء بتقطع في الصيف وبنكون محتاجين اي حاجة تشتغل تكون مصدر هواء وكمان بتكون مدة الشحن حوالي 12 ساعة وتقدر تشتغل من غير كهربا وهي مشحونة حوالي 6ساعات متواصلة ودي مدة كويسة جدا المروحة 16 بوصة ودي بتكفي توزيع هواء في كل غرفة من صغيرة الي متوسطة المساحة لكن مش هتكون مناسبة لمكان مساحته كبيرة توزيع الهوا مش هيكون بالشكل المناسب وكمان من مميزاتها انها مزودة بلمبة ليد اضاءتها كويسة ممكن تكون حلوة بالليل في الغرفة لما بنكون مش محتاجين اننا نشغل الاضاءة الرئيسية للغرفة كمان المروحة شكلها كويس وهتكون عملية لو في ضيوف او حاجة ومضطرين نخرجها قدامهم وكمان وزنها مش تقيل فسهل نقلها من مكان لمكان وكمان من مميزاتها ان القاعدة بتاعتها كبيرة كفاية انها تثبتها في الارض وماتهتزش اثناء التشغيل وكمان المروحة بتتميز بان صوتها هادي يعني بتساعد علي نوم هادي او حتي في اي وقت في الشغل مثلا او لو قدام ضيوف المروحة صوتها الهادي بيكون ميزة وكمان نقدر نتحكم في طول المروحة لان العمود بتاعها نقدر نقصره ونطوله بس من عيوبها كمان انها بتلف بسرعة فمش بنحس بالهوا وقت طويل والمروحة لفت ناحيتي سعرها مناسب جدا لخواصها