مميزات وعيوب Mienta - مضرب غاطس - HB11101A - Essentials - 250W

• 

  Soha Ahmad

  (6 سنة ago)

  الخلاط اليدوي ميانتا حلو جدا في المطبخ وتقريبا بعمل به كل حاجة من تقطيع بصل لهرس خضار وبعمل به كل أنواع الشوربة زي شوربة العدس والخضار وبهرس فيه أكل البيبي بتاعي وميزته إنه حجمه صغير وبقدر أستخدمه بسهوله وبعمل به ميلك شيك وبهرس به الفول، هو موتوره 250 واط يعني معقول بس كان يفضل يبقى أقوى من كدا والوعاء اللي معاه صغير فا بستخدمه في الكميات الصغيرة بس وبعمل في وعاء كبير من عندي لما تكون الكمية كبيرة، الشفرات بتاعته ستانلس ستيل قوية وحادة وضد الصدأ وسهلة في تنضيفها وبدخله غسالة الأطباق عادي، ومش بياخد مكان في التخزين، عيبه إنه مش معاه ملحقات تانية تغنيك عن الخلاط العادي زي مضرب البيض اللي مش بنستغنى عنه علشان الكيك وغيره ووحدة طحن التوابل، كان يفضل يبقى معاه كل حاجة علشان يغنينا عن باقي الأجهزة