مميزات وعيوب Kiriazi Water Heater 45 Liters (KEH 45 L). Digital
Fatma
(6 سنة, 1 أشهر ago)
سخان غاز كريازي ٤٥ لتر
سخان حلو وعملي والسعة بتاعته مناسبة 45 لتر وكمان انه كهرباء دا ميزة في الأماكن اللي لسة مدخلهاش غاز طبيعي وبيعتمدو عل الأنابيب وبصراحة تغير الانبوبة دا حاجة تزهق فعلا وناس ماتحبش شكلها وهي موجودة كدة وكمان بيخافو من من اي مشاكل ممكن تحصل وحتى الناس اللي عندهم غاز ممكن يفضلو السخانات الكهرباء لانهم بيخافو من الغاز عموما ربنا يحفظ الجميع لكن حكاية انه كهربا ممكن يكون ليها عيب عشان الفواتير ولكن للضرورة احكام لكنه ايضا مصنوع بتقنية توفير الكهربا زي انه مثلا بيه عزل حراري
من المميزات اللي نلاحظها في السخان انه مصنوع بتقنية مقاومة الصدا والتاكل بسبب مادة الطلاء الداخلية المصنوعة من مادة المينا الزجاجية،وأيضا بفضل عمود الماغنسيوم اللي جوة السخان لجذب الاملاح اللي في المياه اللي بتسبب الصدا وبكدة نضمن سلامة الخزان الداخلي للسخان وان عمر السخان يطول
وكمان من مميزاته بيوفر الأمان التام للمستهلك لانه مزود بثرموستات مزدوج بيفصل السخان لما يوصل لدرجة التشغيل المطلوبة وبيفصل برضه لما يحصل أي عطل في التشغيل كأمان إضافيلكن من عيوبه ان بياخد وقت لحد ما المياه تسخن عكس السخانات الغاز محتاج صيانة دورية وده للامان عشان نغير طقم الفواني الداخلية وكمان لتجنب ترسب الاملاح فيه وكمان للإطمئنان على صمام الامان للسخان ولو المستهلك ساكن في مكان الكهربا بتقطع فيه كتير هتلاقي ان السخان مالوش لازمة
السخان ضمان خمس سنوات وخدمة كريازي مابعد البيع مش سيئة ممكن يكون سعر السخان عالي شوية عن امكانياته
مراجعات Kiriazi Water Heater 45 Liters (KEH 45 L). Digital