مميزات وعيوب غسالة ملابس اوتوماتيك كريازي، تحميل امامي، 9 كجم، فضي - KW1209-S

• 

  Soha Ahmad

  (1 سنة, 9 أشهر ago)

  غساله كريازي الاوتوماتيك فيها مميزات وعيوب.. نازل منها حجمين 9 و10 كيلو، فيها شاشه ديجيتال بتعرف منها برامج الغساله والوقت المتبقي، وبتقدر تختار مستوى ميه الغسيل بشكل اوتوماتيك على حسب البرنامج، فتحه الباب بتاعتها ضيقه 35 سم بس مش بنقدر ندخل فيها مفروشات بشكل سهل، فيها برامج كثير ومنهم نوعين للغسيل السريع واحد منهم 30 دقيقة والتاني 45 دقيقه بيوفروا في الميه والكهرباء وفيها برامج لكل انواع الملابس الصوف والحرير والاقطان، عدد اللفات فيها 1200 لفه وبتقدر تتحكم في عدد اللفات، فيها نظام ذكي للكشف عن الاعطال وبيعرضها على الشاشه، الحلة الداخلية نوعها حلو وبتحافظ على الملابس من الكرمشه، وبتقدر تتحكم في درجه حراره ميه الغسل حسب البرنامج، وفيها برنامج اسمه A بيشتغل بكفاءه وباقل مستوى للكهرباء والميه، عيوب الغساله ان قطع غيارها غاليه، وقفل الباب من كثر الفتح والقفل بيبوظ لان خامته مش حلوه والكاوتش الخاص بباب الغساله عمره مش طويل وبيحتاج يتغير كل فترة والغساله ما فيهاش مجفف.