مميزات وعيوب فريزر نوفروست رأسي كريازي، 5 ادراج - ابيض

• 

  Soha Ahmad

  (2 سنة, 7 أشهر ago)

  كريازي ال 5 درج من الأنواع اللي فيها مميزات وعيوب، 5 أدراج حجمهم معقول وفيه درج صغير فيه مكعبات التلج وأوقات بحط فيه صواني أو حاجة للتبريد السريع، الأدراج عليها مؤشر لنوع اللحوم والشهور علشان الصلاحية، فيه خاصية التجميد السريع بس تستخدم للضرورة لأنها بتحمل عالموتور، الموتور قوي وبيتحمل درجات الحرارة العالية، تبريده من جوا هايل وفيه طبقات عازلة حوالي 10 سم بتحفظ البرودة وبتقلل استهلاك الكهربا دا غير إنه من الفئة أ يعني قوة وتوفير في الكهربا، فيه شاشة ديجيتال بيبين الحرارة وبتقدر تتحكم في درجات الحرارة من ال setting وفيه إنذار لو سبت الباب مفتوح وفيه قفل أمان للأطفال، ولمبة ليد داخلية، عيبه إن الكاوتش المحاط بالباب ضعيف وبيحتاج يتغير كل فترة ولازم تتأكد إنه قفل، وسعره عالي، والموتور ليه صوت عالي.