مميزات وعيوب Kiriazi E220 فريزر أفقي - 217 لتر

• 

  Soha Ahmad

  (4 سنة، 11 أشهر ago)

  ديب فريزر كريازي عاجبني جدا الحقيقة ومكنتش هقدر أجيب واحد رأسي لأني كنت هقفل عالشباك، إمكانياته رائعة لأنه نو فروست مش بيعمل تلج وتبريده قوي جدا ومعمول بطبقة عازلة سميكة تخليه يحتفظ بدرجة الحرارة وبالتالي ميحتاجش يشتغل علشان يبرد كل شوية ودا بيخليه يوفر كهربا، كمان حجمه كبير وبياخد كميات كبير وكانت مشكلتي الوحيدة معاه إنه مش منظم وبضطر أشيل الحاجات علشان أدور على كيس معين وساعات كنت بضطر أفضيه كله لحد ما اكتشفت فيديو عاليوتيوب فيه طريقة تنظيم الفريزر الأفقي بأنها أضافت كذا باسكت بلاستيك نفس حجم الفريزر وحطت فيهم الأغذية وعملت كدا وبقى مريح جدا ومرتب، الفريزر مصنوع من الصلب يعني جسمه قوي وبيتحمل ومن جوا سطحه أملس يعني تنضيفه سهل، وطبعا استهلاكه للكهربا أعلى من العادي لأنه نوفروست لكن الصراحة بيوفر وقت كبير في التنضيف ومجهود وضمانه 10 سنين ودي مدة كبيرة جدا بتدل على جودة المنتج والحقيقة محتاجتش خدمة العملاء ولا مرة الفريزر رائع ولو مناسب ليك هاته متترددش