مميزات وعيوب ديب فريزر افقي ديفروست كريازي، سعة 336 لتر، ابيض - KH338CF

• 

  Farida Ahmed

  (2 سنة, 6 أشهر ago)

  عندنا ديب فريزر كريازي دا من سنين طويلة والحقيقة كويس جدا في التجميد ومساحته كبيرة، فيه خاصية التجميد السريع بستخدمها قليل لما أكون جايبة كمية لحوم كبيرة للتخزين ومحتاجاها تتجمد بسرعة بشغلها نص ساعة تقريبا، الموتور استوائي قوي وبيشتغل كويس في درجات الحرارة العالية وطبقات العزل المصممة في جسم الديب فريزر بتساعده عالتجميد السريع وبتريح الموتور لأنه بيفضل محتفظ بالحرارة الداخلية 6 ساعات، استهلاكه معقول جدا في الكهربا، كنت في الأول بتعب علشان أجيب حاجة منه لأنه مش منظم وبضطر أشيل حاجات كتير لكن حطيت فيه كذا سبت بلاستيك خصصتهم لكل نوع لحوم ودا سهل عليا جدا، وفي ميزة إن الباب ليه مفتاح وفي سلتين بشيل فيهم الخضار، وإضاءة داخلية وميزته إنه بيعتمد على نظام الهواء متعدد الفتحات ودا بيخلي دورة الهوا والتبريد شغالة في كل الأنحاء وبيحافظ على طعم اللحوم والأكل طازج.