مميزات وعيوب Braun Multiquick 3 Kettle, 1.7 Liters, 2200W, Black - WK300

• 

  Fatma

  (6 سنة, 5 أشهر ago)

  غلاية براون مالتي كويك 5 من افضل الأجهزة الصغيرة المنزلية اللي اشتريها بجد بتنجز عليا وقت لانها سريعة وكمان السعة بتاعتها كبيرة 1.7لتر يعني بتسخنلي كمية مناسبة. مجرد ان انا يستخدم منتج من ماركة براون بكون متطمنة ومرتاحة لان براون بتعمل حساب الامان فالغلاية مصممة انها تفصل اتوماتيك لو كانت المياه كتيرة عن المنسوب المطلوب او لو مفيهاش مياه وايضا بتفصل لو الغطا اتفتح اثناء ماهي شغالة وكمان لو اتحركت من القاعدة بتاعتها.. ومن مميزتها انها بها فلتر لمنع الشوائب. وكمان الغلاية مصممة لراحة الشخص اللي بيستخدمهاسواء بيده اليمنى او اليسرى يعني بقدر احط الغلاية علي القاعدة في اي اتجاه لانها مصممة بطريقة 360درجة وكمان زرار فتح الغطا سهل الوصول اليه بنفس اليد اللي ماسكة بيها الغلاية. وميزتها انها بتعيش كتير. كل اصحابي اللي جربوها شكروا فيها جدا واصلا كفاية انها من براون.. هي طبعا بيحصل رواسب فيها من الداخل مع كذا استخدام بس حلها بسيط بحط فيها مياه مع خل وليمون واشغلها واسيبهم خمس دقايق بتنضف وتبقي جميلةعيبها انها مصنوعة من البلاستيك وفي ناس كتير مش بتحب الغلايات المصنوعة من البلاستيك بس اعتقد ان براون بيصنعهم من البلاستيك الامن وكمان مشكلتها سعرها غالي علي ناس كتير ولو لاقدر الله باظت او حاجة هيزعلو علي مبلغ كبير