مميزات وعيوب Kenwood Electric Kettle, 2200 Watt, 1.7 Litre, Silver- SJM290 - Kettles - Kettles & Coffee Makers - Small Home Appliances

• 

  Farida Ahmed

  (2 سنة, 7 أشهر ago)

  عامة ماركة كينوود من أفضل الماركات اللي عمرها طويل وبتستحمل وانا شخصيا عندي منها معظم أجهزة المطبخ وبستخدمها من سنين طويلة، يمكن تكون سعرها عالي شوية بس الغالي تمنه فيه لأني قبل كدا جبت غلايتين مية والواحدة مكانتش بتقعد اكتر من 6 شهور وتبوظ، وجبت غلاية كينوود بقالها اكتر من 5 سنين ما شاء الله عليها زي الفل، سريعة جدا في التسخين وبتحتفظ بحرارة المية لفترة طويلة ومصممة بشكل مريح جدا ومدروس من ناحية الفتحة اللي بنملى منها المية واسعة وبقدر انضفها بسهولة وكمان علشان ستانلس فا تنضيفها سهل يعني كل فترة اغلي فيها شوية مية بخل أو ملح لمون واسيبها شوية واغسلها بترجع جديدة، الفتحة اللي بتفرغ منها المية في الكوبايات محكمة مش بتدلق حواليها لأن اللي قبل كدا كان بيدلق ودي مأساة لأنها مية سخنة، وفيه مؤشر شفاف مدرج بتحدد من خلاله كمية المية اللي عايز تغليها، وفلتر بيتنضف وبينقي المية، وليها قاعدة منفصلة ودا بيديك حرية انك لو عندك ضيوف مثلا تغلي المية وتاخد الكاتل معاك يعني سهل تتحرك به، وعليها ضمان سنتين والحقيقة ما احتاجتلوش أصلا، حجمها حلو جدا ومناسب لو في شركات أو لعيلة كبيرة لأنها بتستوعب 8 كوبايات، بتبقى تقيلة شوية لما تملاها لأن وزنها حوالي كيلو فاضية فا لازم تاخد بالك وانت شايلها، طبعا بتسحب كهربا بس حسب استهلاكك ليها، لكن هي ماركة ونوع محترم عن تجربة