مميزات وعيوب جاك 32 انش LED تلفزيون ذكي اسود - 132N

• 

  Samy Wafeeq

  (4 سنة, 3 أشهر ago)

  عامة كنت قلقان منه في الأول لأن صديقي كان ليه تجربة مع شاشة جاك مش حلوة لكن شفته بالصدفة شغال في كافيه وعجبني ولما عرفت سعره وانه سمارت كمان مصدقتش، وصاحب الكافيه كان بيشكر فيه جدا وطبعا بيشغله عدد ساعات كتير يعني لو في عيب هيظهر بسرعة، الألوان رائعة والصوت حلو ودقة الشاشة معقولة جدا بالنسبة للحجم وفي منافذ كتير تقدر توصله بكمبيوتر او ألعاب وبيشغل الإنترنت بالماوس اسهل كتير من الريموت وعلى فكرة سريع مش بطيئ زي ماتخيلته، الصراحة قعدت اجرب فيه كل حاجة علشان اتأكد ورحت بعدها اشتريته، مواصفات تحفة وشاشة ذكية بسعر وهمي بجد، دا مفيش موبايل أصلا بينزل بالسعر دا، اول مرة افرح بحاجة اشتريها كدا واحس انها فعلا مش علشان سعرها قليل تبقى فيها عيوب، واتعلمت كمان اني ما احكمش على ماركة لمجرد ان كان ليا معاه تجربة سيئة في اصدار معين.