مميزات وعيوب هواوي نوفا 5T بشريحتين اتصال، 128 جيجا، شبكة 4G LTE- اسود

• 

  Samy Wafeeq

  (4 سنة, 2 أشهر ago)

  موبايل نوفا T5 من الموبايلات ليها مميزات وعيوب، معالج كيرين 980 مع 8 جيجا رام بتحس أداؤه عالي جدا ولاغبار عليه وسريع حتى مع الألعاب وبينافس هونر 20، الجرافيكس عالية ومش بيقطع ولا يسخن وهايل مع ببجي، الشاشة مساحتها معقولة ودقتها عالية لكن كان يفضل تكون أموليد زي المنافسين، وضوحها كويس تحت اشعة الشمس، الكاميرات الخلفية صورها عالية ودقيقة خاصة في ضوء النهار لكن بيمنع التشويش في الصورة في الإضاءة الخافتة، والصور السلفي حلوة جدا والبورتريه نقي في الضوء فقط لأن مفيش فلاش أمامي، بيسجل فيديوهات 4 كيه، الشبكة قوية فيه، مستشعر البصمة سريع الاستجابة، صوته نقي وعالي لكن مش الأفضل، البطارية جيدة لكن كان منتظر انها ما تقلش عن 4000، وبيدعم الشحن السريع، مفيش منفذ سماعات 3.5 ملي وبتستخدمها في منفذ اليو اس بي وما ينفعش تستخدمها وقت الشحن، مفيش كارت ذاكرة اضافي لكن مساحته مش هتحتاج معاها اضافة، كله زجاج وبيحتاج جراب.