مميزات وعيوب ممسحة ببخاخ صحي ووسادة مسح

• 

  Fatma

  (6 سنة, 5 أشهر ago)

  تجربتي مع الممسحة فعلا جميلة جدا جدا ومريحة وفعلاً بتنضف حلو اوي وبتريحني من ان كل يوم اشيل الجردل والشرشوبة وامشي الف في الشقة بيهم وكمان كل شوية اغير المياه اللي اتوسخت في الجردل واعصر في الشرشوبة حقيقي كان ارهاق. لكن لما استخدمت الممسحة البخاخ دي بجد نفسي اتفتحت للتنضيف لان كل اللي عملته ان مليت الازازة البخاخ دي مياه وفيها سائل تنظيف الارضيات او الديتول وامشي بقي في الشقة امسح وكمان من ضمن مممميزاتها انها بتلف يعني سهل اوي نسمح تحت الكنب والكراسي والترابيزات من غير ما نفضل نحركهم بس علي فكرة لازم نكون شايلين التراب عشان الارض ماتتعكس. وكمان انا جايبالها قطعتين غيار للمايكروفايبر بتاعتها واحدة بعمل بيها الحوائط عشان ميبقاش مكان مسح الارض والدنيا تتعك. وبعد لما بخلص خالص بفك الميكروفايبر ده واغسله حلو اوي واسيبه ينشف في الشمس والهواء وبكدة بكون بحافظ عليها لاطول فترة ممكنة. الممسحة البخاخ مصنوعة من البلاستيك القوي والايد بتاعتها معدن والجزء اللي بنمسح بيه من الميكروفايبر وفيها زجاجة بخاخ تحت ومقبض البخاخ في مكان ما بنمسك الممسحة اصلا وعشان كدة بيكون سهل جدا نتحكم فيه