مميزات وعيوب Green Coffee Bean Extract 400 mg

• 

  Eleen

  (6 سنة, 1 أشهر ago)

  مستخرج حبوب القهوة الخضراء ٤٠٠ ملج الحبوب دي كويسة للي محتاج عوامل مساعدة في التخسيس بجانب الاكل الصحي والرياضة لان فعلا ماينفعش الادوية من غير نظام غذائي ورياضة هي طبعا مش بتخسس اكتر من مثلا 10 كيلو وبعد كدة خلاص الجسم بيتعود عليها هي ميزتها انها طبيعية وكمان مش بيحتوي على ألوان صناعية،ولا مواد حافظة،ولا نكهة ولا محليات، ولا سكر، ولا نشا، ولا حليب، ولا لاكتوز، ولا صويا، ولا قمح، ولاخميرة، ولا أسماك، ولا صوديوم، فمناسب للي بيعانوا من أنواع حساسية مختلفة وكمان هو مختلف عن البن العادي ومميز عنه في ان المنتج ده بيحتوي علي مادة الكلوروجينيك ودي ليها اَثار إيجابية على صحة القلب والشرايين وبتساعد على حرق الدهون في الجسم وتنظيم السكر في الدموكمان بنلاحظ مع استخدامها المتكرر انها بتعمل على نضارة البشرة وحيويتها وكمان هنلاحظ انها بتساعد على تقوية الذاكرة والتركيز… بس مانفرحش بالمميزات دي وانها هتساعد عل التخسيس لازم نركز كمان في عيوبها اللي اكتشفتها من تجارب بعض الناس انها ممكن تخليك تحس بصداع، وتحس كتير ان ريقك ناشف وده لانها تؤدي ساعات للإسهال وزيادة إدرار البول، واللي بيخلي الجسم يفقد معادنه الأساسية أحيانًا وده هيخليك تحس بهبوط وكمان لانها كافين هتسبب الارق وفعلاً ناس اشتكت من قلة النوم وقالو انهم حاسين بتوتر واكتئاب بسبب قلة النوم… ونصيحة مهمة ولازم تتاخد في الاعتبار انها ممنوعة منعا باتا للحوامل والام المرضع وممنوعة لسن اقل من 18 سنة هي متاحة للبالغين للي عايزين يخسو ومفيش عندهم مشاكل صحية والافضل اخذ راي دكتور التخسيس في الحبوب دي هي جرعتها حبايةاو اتنين في اليوم مع الاكل سعره كويس وفي متناول الكثير من الناس