مميزات وعيوب مكنسة كهربائية تربو من فريش- 2000 وات، بدون كيس، احمر
Soha Ahmad
(6 سنة ago)
المكنسة الكهربائية تربو من فريش بقوة 2000 واط دي تحفة عن تجربة وكلها مميزات، أولا موتورها قوي جدا 2000 واط يعني شفط هايل، وفيها وعاء أتربة سهل في التنضيف سعته 4 لتر يعني بياخد كمية كبيرة ودا بيخليك متحملش هم تنضيفها كل شوية، مش مزودة بكيس أتربة ودي ميزة إنك لما بتحتاج تنضفها بتفكها وتغسلها وتنشفها وخلاص خاصة للي عندهم حساسية صدرية لان الكيس والتراب الناعم بيعمل حساسية، فيها فلتر HEBA مضاد للبكتريا وبينقي الجو من التراب الناعم والبكتريا والروايح الكريهة، وفلتر اسفنجي سهل تنضيفه، سلكها طوله 7 متر وفيه بكرة سحب تلقائي بالضغط عليه، فيها عجلات دوارة بتسهل حركتها ومعاها فرشة للسجاد والأرضيات وفرشة للأماكن الضيقة والمقبض بتاعها بيسهل حركة المكنسة دا غير أنبوبة تلسكوبية بتساعدك تعدل الإيد بالارتفاع المناسب ليك هي بس محتاجة مكان للتخزين لان حجمها كبير نسبيا ولو المكان عندك واسع هتحتاج تغير مكان الفيشة حسب طول السلك وكل فترة تغير الفلاتر علشان تحافظ على نقاء الجو ليها ضمان سنة وخدمة عملاء ممتازة الحقيقة منتج قوي ومميز وسهلة في استعمالها خاصة إنه صناعة مصرية
مراجعات مكنسة كهربائية تربو من فريش- 2000 وات، بدون كيس، احمر