مميزات وعيوب بوتجاز غاز فريش بروفيشنال جريلو، 5 شعلات، ستانلس ستيل - بوتاجازات - اجهزة منزلية كبيرة

• 

  Fatma

  (6 سنة, 2 أشهر ago)

  بوتاجاز فريش بروفيشنال جريل انا كنت بفكر اشتري البوتاجاز ده لا شكله جمييل اوي وشيك ومقدرش انكر ان امكانياته حلوة لكن قبل مابشتري بحب اسال الناس اللي جربته اولا هو مساحته زي اي بوتاجاز خمس شعلات 6090 بس هو شكله اكبر ده عشان الشعلة اللي في النص مدية احساس بوسع البوتاجاز فيه اربع عيون بتشتغل بالغاز والعين الكبيرة اللي في النص بالكهربا وده بصراحة عيب انا شايفاه لان الكهربا كتير بتقطع يعني ممكن معرفش اشغلها وكمان اكيد بتسحب كهربا كتير وغير كدة ان ممكن الزجاج يتكسر واكيد تصليحه هيتكلف رغم ان العيون الزجاج اللي زي دي جمالها في شكلها الانيق وسهولة تنضيفها البوتاجاز هيكلة الخارجي مصنوع من التيفال وبعض من الاستانلس المقاوم للصدا هو شكله بيكون شيك اوي ولكن اوقات كتير اوي طبقة التيفال دي بتقشر ومش بينضف حلو زي اللي كله مصنوع من الاستانلس ستيل ناس كتير اوي اشتكت من مع التنظيف الأرقام بتاعة ضبط درجة الحرارة اللي حوالين مفتاح الفرن بتتمسح ودي بصراحة انا شايفاها مشكلة لان في اكلات بتتعمل في الفرن بتحتاج درجة حرارة معينة ولو الارقام اتمسحت يبقي كدة مش هعرف اظبطها صح البوتاجاز مصنوع بخاصية الامان الكامل ودي حاجة بعتبرها مهمة جدا عشان لو اي سوائل سربت علي العين والعين انطفت البوتاجاز بيفصل الغاز اوتوماتيك وكمان البوتاجاز مزود بشاشة رقمية تتظبط كساعة وكمان في نفس الوقت بتشتغل تايمر انا لاحظت الفرن واسع وكمان احسن حاجة ان ينفع نقفل باب الفرن واحنا مشغلين الشواية وكمان المروحة اللي في الفرن حلوة بتوزع الحرارة في الفرن كله