مميزات وعيوب ثلاجة فريش ميكانيكال نوفروست، 2 باب، سعة 12 قدم، اسود - BR400KB

• 

  Farida Ahmed

  (2 سنة, 3 أشهر ago)

  تلاجة فريش ال 12 قدم فيها مميزات وخصائص أكتر من الفئات التانية في نفس الحجم، أولا حجمها الداخلي أكبر وسعتها 369 لتر، التلاجة نوفروست، بإضاءة داخلية ليد قوية، توزيع الهوا الداخلي فيها قوي والتبريد عالي، فيها فلتر بلازما أيونايزر بيفلتر الروائح ومش بيخلي الروائح تختلط ببعض وبيمنع البكتيريا وبالتالي بيحافظ عالأكل صحي لفترة أطول، 3فيها أرفف داخلية بايركس متينة وقابله للتعديل وبتتحمل الأوزان ودرج كبير للخضار والفاكهة، والفريزر كمان متقسم برف، الجلد الخاص بباب التلاجة مضاد للبكتيريا وبيتفك ويتركب سهل علشان يتنضف، مشكلتها إن التبريد بيضعف في شهور الصيف الحر، وفريش بتدي عليها ضمان داخلي وخارجي 10 سنين، لكن لو حصل فيها مشكلة مش بترجع زي الأول، وقطع غيارها أسعارها عالية.