مميزات وعيوب بوتجاز فريش بلازا، 5 شعلة غاز، ستانليس ستيل، 90 سم - 4179

• 

  Fatma

  (6 سنة, 2 أشهر ago)

  بوتاجاز هاي كاست بلازا خمسة شعلة من فريش انا جربته اكتر من مرة لانه موجود عند والدتي اولا احنا بنحب اجهزة فريش لان بصراحة خدمة العملاء كويسين جدا ومش مجربينهم في البوتاجازات فقط في كذا جهاز بصراحة ، البوتاجاز مصنوع من الاستانلس ستيل غير قابل للصدا ودا ميزته انه سهل جدا في التنظيف وبيرجع يلمع مانّه لسة جديد، هو خمسة شعلة ومساحته ٦٠٩٠ سم وارتفاعه ٨٥سم يعني لازم نعمل حساب مساحته لانها كبيرة ويفضل لو المطبخ واسع ،وكمان حامل الأواني من الحديد الصب يعني متين ويستحمل الأواني التقيلة ومش بيتحرك من مكانه ودي ميزة حلوة اوي،وكمان الشغلات بتشتغل إشعال ذاتي ،والغطا الزجاج بتاعه شكله حلو حسّيت رسمته مختلفة عن ازاز البوتاجازات التقليدية،بس كل اللي فات عادي انا عندي اهم حاجة في البوتاجاز الفرن طبعا لازم عشان أكون مرتاحة للفرن ان يكون متوفر فيه الحاجات دي زي مثلا مروحة الفرن ،، بوتاجاز فريش هاي كاست متوفر في فرنه مروحة بتعمل علي توزيع الحرارة بشكل كويس ،، وكمان من الحاجات الضرورية ان لاقيت ان باب الفرن بيتقفل والشواية مفتوحة ودا حلو في ان الاكل بيستوي أسرع جدا لان لو الباب متوارب السخونية بتقل والاكل بيستوي أبطأ ، وكمان حبين فيه ان زرار تشغيل الشواية غي زرار الفرن نفسه ،،وكمان البوتاجاز فيه من تحت درج كدة عشان نحط فيه الاكل ساخن ويفضل دافئ لفترة لوقت الاكل،، بس كان ناقصه انه يكون فيه تايمر