مميزات وعيوب Fresh مروحة سقف الباشا - 4 ريشة - بني

• 

  Fatma

  (5 سنة, 11 أشهر ago)

  مروحة سقف فريش الباشا المروحة دي بتكون اختيار للناس اللي عايزة نجفة ومروحة سقف مع بعض والاختيار من ناحية الشكل كويسة ومختلفة تماما عن مراوح السقف التقليدية وكمان لونها دا ميزة حلوة اوي انها غير المراوح البيضاء اللون اللي بيبان فيها اي اتساخ بسرعة لكن دي عشان لونها غامق مش هيبان الاتساخ في الريش بتاعتها لكن اكيد هتحتاج نظافة وطبعا عيبها ان تنظيفها هيكون اصعب من مراوح السقف العادية لان دي هنكون حذرين اكتر عشان الزجاج واللمبات اللي فيها وكمان الميزة فيها انها مش ضروري طبعا اضاءة اللمبات طول ما احنا مشغلين المروحة لا ممكن نطفي النور عادي من الفتيل او من زرار الكهربا في الحيطة عادي بس ناخد بالنا لان الفتيل اوقات بيعلق وكمان ممكن يتقطع من مميزات المروحة انها ماركة فريش المعروفة بجودتها وان خدمة العملاء والصيانة اكتر الناس اللي اتعاملت معاهم بيشكروا فيهم جدا المروحة فيها تلات مستويات للسرعة لكن عيبها انها لما نشغلها علي اعلي حاجة صوتها بيعلا وكمان من مميزاتها ان قوتها كويسة وتوزيع الهواء بتاعها حلو جدا يكفي مساحة غرفة معقولة المساحة وكمان من عيوها ان تركيبها صعب الي حد ما