فريش إيطاليانو لما سألت عنه في ناس كتير شكرت فيه وفي مساحة الفرن انها كبيرة وفيه مروحة داخلية بتوزع الهوا السخن وتسوي الأكل بشكل متساوي وسريع وانا بيفرق معايا المروحة، والشواية ليها زرار منفصل عن الفرن ودا كويس انها متشتغلش عمال على بطال كل ما اولع الفرن، ومن الحاجات اللي مختلفش عليها اتنين عيون البوتاجاز وناره الحامية المتوزعة صح والحامل بتاعه زهر ودا كويس لأن ثبات الأواني عليه أعلى، فيه إشعال ذاتي وناس قالت انه بيبوظ بعد فترة، وفي درج تسخين تحت الفرن بتحتفظ فيه بالأكل لحد معاد التقديم وبيفضل سخن فترة كويسة، الناس اللي عندها مشاكل معاه قالت ان مفاتيح العيون ومقبض الفرن بيسخنوا جدا لما الفرن يتفتح فترة وبعد شوية فيه مفاتيح ساحت والصيانة غيرتها ومفيهوش أمان فصل الغاز لو سوايل نزلت عالنار