مميزات وعيوب ثلاجة فريش نوفروست، 357 لتر، فضي- FNT-D470YT

• 

  Fatma

  (4 سنة، 2 أشهر ago)

  ثلاجة فريش ديجيتال ١٦ قدم الصراحة هي مش من انواع الثلاجات التوب اللي الناس بتفضل تشتريها عشان كدة لازم نفكر قبل قرار شراء الثلاجة او اي جهاز عموما لان بتكون أسعارهم مش قليلة وكمان لازم نختار سعة الثلاجة حسب عدد أفراد الاسرة وثلاجة فريش ديجيتال ١٦ قدم اي 357لتر والسعة بتاعتها مناسبة لأسرة مكونة من حوالي خمس أفراد ،الجسم الخارجي للثلاجة مصنوع من الألومنيوم ولونها سيلفر وهو لون الكثير مننا بيفضله لانه بيتناسب مع كل ألوان المطابخ وموديلاتها الثلاجة مكونة من بابين باب العلوي للفريزر والسفلي باب الثلاجة والميزة دي مفيدة جدا عشان مش كل ما نحتاج حاجة من الفريزر مش هنفتح التلاجة، وكمان الثلاجة مزودة بشاشة ديجيتال لمعرفة درجة حرارة الثلاجة والفريزر ونكون مش مضطرين نفضل نفتح في الباب عشان نتأكد من درجة حرارة تشغيل الثلاجة والفريزر ونبوظ التلاجة والاكل، كمان الثلاجة مزودة بموزع مياه خارجي لان بها مبرد مياه داخلي ممكن نستخدمه للمياه او العصائر والميزة دي بتساعدنا للتخلص من زحمة الزجاجات ،المشكلة في الثلاجة دي الأرفف بتاعت التلاجة مصنوعة من الزجاج رغم انه مقاوم نسبيا للكسر لكن وزنه تقيل عن البلاستيك ومعرض للشرخ وكمان ممكن واحنا بنحركه من مستوي لمستوي ممكن يقع ويتكسر انا لاحظت بعض الشكاوي من البعض اللي اتعاملو مع شركة فريش قالوا ان خدمة مابعد البيع سيئة