مميزات وعيوب ثلاجة فريش 16 قدم نوفروست ستانلس رقمية مع موزع مياه Fnt-D470Y - فضي

• 

  أمنية عزمي

  (9 أشهر ago)

  الموديل دا حلو للناس اللي بتحب موزع مياه في باب التلاجة رغم انه مش عملي، لكن شكلها حلو وبتشتغل ديجيتال، فيها فلتر بلازما أيونايزر بيفلتر الروائح ومش بيخلي الروائح تختلط ببعض وبيمنع البكتيريا وبالتالي بيحافظ عالأكل صحي لفترة أطول، 3فيها أرفف داخلية بايركس متينة وقابله للتعديل وبتتحمل الأوزان ودرج كبير للخضار والفاكهة، والفريزر كمان متقسم برف، وبتعمل تلج منفصل وممكن تشيله، حجمها الداخلي حلو، التلاجة نوفروست، بإضاءة داخلية ليد قوية، توزيع الهوا الداخلي فيها قوي والتبريد عالي، الإطار الجلد الخاص بباب التلاجة مضاد للبكتيريا وبيتفك ويتركب سهل علشان يتنضف، مشكلتها إن الجسم الخارجي بيسخن، والتبريد بيضعف في شهور الصيف الحر وبتسرب فريون، عليها ضمان داخلي وخارجي 10 سنين، لكن لو حصل فيها مشكلة مش بترجع زي الأول، وقطع غيارها أسعارها عالية.