فرن فريش FR-45 من الأنواع المتوسطة في فريش وفيه عيوب معجبتنيش في الاستخدام، الأول مميزاته ان حجمه معقول في الاستخدام الشخصي، وفيه صينية كبيرة بستخدمها في الخبز، بيسوي الكب كيك والبيتزا حلو جدا، وكويس جدا في تسخين الأكل أو الحفاظ عليه سخن لوقت التقديم، عيوبه إن تصميم شمعتين الحرارة فيه متوازيين وبعاد عن بعض ودا بيخلي الحروف تستوي والنص يفضل ني بعكس الأفران اللي بتكون شمعة الحرارة شكل زجزاج واخدة المساحة كلها في التسخين، ومفيش فيه مروحة داخلية ولا إضاءة، مستوى الحرارة مش حقيقي فيه أو مش بيوصل للحرارة المكتوبة للتسوية و250 تعتبر قليله ولما تختار اختار الأعلى حتى لو مش هتستخدمه، الخامات الداخلية للفرن متوسطة، واليد الخارجية بتسخن جدا وبيحتاج دايما تلبس جوانتي عازل وانت بتتعامل معاه، في الآخر ممكن يكون مواصفات حسب السعر لكن هو مستواه في العموم متوسط.
Soha Ahmad
(2 سنة ago)
فرن فريش ال 48 لتر فيه مميزات حلوة بس برضه فيه عيوب، مميزاته إن حجمه الداخلي كبير تقدر تدخل فيه مقاسات صولني مختلفة وكبيرة، المروحة الداخلية فيه توزيعها وتسويتها هايلة، فيه 4 شمعات 2 فوق و2 تحت وهو 2000 وات فالبتالي بيكون سريع، تسويته للمخبوات هايلة، والحرارة بتوصل ل 250 درجة، والمؤقت 90 دقيقة، وبييجي معاه 4 ملحقات ستانلس ستيل كلهم رف سلك للصواني وسيخ شوي وماسك للسيخ والصواني وصينية كبيرة عميقة حلوة جدا في الاستخدام، وليه 4 مستويات داخلية للأواني، وفيه إضاءة داخلية، عيوبه بقى إن بالرغم من تصميمه الشيك إلا إنه مش معزول حراريا وبيسخن جدا من برا وقت الاستخدام، والباب الزجاج ضعيف ولو اتخبطت في أي صينية بيتكسر بسهولة، ومش موفر نهائي للكهربا والفاتورة بتيجي عالية جدا مع استخدامه خاصة انه بيحتاج يتسخن قبل الاستخدام من ربع لنص ساعة الأول، وقطع غياره تمنها عالي.