مميزات وعيوب غسالة اطباق فريش دبل وول، سعة 6 افراد - WQP6-3801

• 

  مصطفى شعبان

  (6 سنة, 5 أشهر ago)

  غسالة الاطباق دبل وول المنتجة من شركة فريش سعة 6 أفراد مكوناتها الداخلية فيها أجزاء ألمانية الصنع يعني بتستحمل الشغل والغسيل مش ضعيفة لان الصناعة الالمانية مش محتاجة تعريف حتي ولو جزء بسيط منها دخل في أى مُنتج، مش حتساعد في غسيل بعض الادوات في المطبخ زى الحلل والبرادات وامثالها هيبقي فيه اضطرار لغسلها يدوى، فيها زر تحكم للحرارة يعني ممكن تعلية الحرارة او تقليلها حسب الحاجة وعلي حسب اتساخ الادوات اللي بتتغسل. في حاجات حتبقي متسخة بزيادة فـ هيتم اللجوء للغسيل اليدوى فيها علشان تنضف غير كده مش حتغسلها الغسالة كويس. سعتها كبيرة طبعا يعني حتشيل حاجات كتير في نفس الوقت ومش هيبقى فيه تأجيل لغسيل الاطباق من فترة للتانية، الغسالة أي كانت عباراة عن جهاز كهربي فبالتالي مهيئة انها تعطل في أي وقت وتحتاج صيانة من وقت للتاني وممكن تعطل نهائيا بعد ما يكون الاعتماد عليها بقى كلي. فيها تكنولوجيا جديدة لضغط وتوزيع المياة بطريقة مناسبة جدا للاغراض اللي بتتغسل لان فيها رذاذ مياه بيوزع وهيا بتغسل بطريقة متساوية يعني مش حتلاقي حاجة مغسولة كويس وحاجة لا وزيادة علي ده فيها 9 برامج للغسيل وتوزيع الشطف والتنضيف للاغراض علشان تتحكمي في كل حاجة بتتغسل براحتك وكمان فيها برنامج اقتصادي علشان يغسلك الحاجة في أسرع وقت وميتعداش ال 10 دقايق نهائي، وكمان فيها برنامج اسمه الشطف السريع علشان يشيل الحاجة لوقت تاني ويغسلها بعدين حسب التايمر اللي انتي حتظبطيه. كاتمة للصوت لأقصى درجة، موفرة علشان مش بتاخد صابون كتير ولا مياة ولا بتستهلك كهرباء كتير ودي ميزة مهمه اليومين دول. مكونات الخازنة الداخلية ليها اللي بنشيل فيها الحاجات والباب اللي من جوه الغسالة مصنوع من الستانلس ستيل يعني قوه وصلابة وعمره طويل طبعا واهم حاجة مفيش صدا، غير كده ان استخدامها سهل جدا وتركيبها مش محتاج حد فاهم في الالكترونيات، أبعادها (45*65*53) ارتفاع*عرض*عمق بسعة 18 طبق و 20 كوب و 6 أطقم سكاكين ومعالق و عدد 1 أواني كبيرة و 1 أواني صغيرة، ضمانها خمس سنوات ضدد عيوب الصناعة عن طريق المركز الرئيسي للشركة عليك الاتصال بالرقم 19059