مميزات وعيوب بوتجاز غاز فريش بروفيشنال، 4 شعلة، ستانلس ستيل - 3510

• 

  Farida Ahmed

  (5 سنة, 12 أشهر ago)

  بوتاجاز فريش 4 شعلة البروفيشنال فيه مميزات كتير الصراحة زي الاشعال الذاتي للفرن والعيون طبعا وميزة الأمان اللي فيه انه بيطفي الغاز لو في سوايل طفت النار وحجم شوايته هايل لاني بقدر أحد فيها فرختين وبتنفعني لما يكون عندي عدد أو عزومة الصراحة واللي عاجبني فيه جدا التايمر اللي تظبطه ويفصل الغاز في التوقيت المحدد، بما اني من النوع اللي بينسى فا دي ميزة حلوة جدا ليا لما باجي احط حاجة عالنار بظبط وقتها اللي محتاجاه وهو يفصل لوحده بعدها ومريحاني جدا في الاستخدام وبطلت أقلق ان أكل يتحرق لكن الحلو ميكملش زي ما بيقولوا لان فيه عيوب بتضايقني زي سخونية إيد الفرن مثلا وكنت بنسى الموضوع دا في الأول لحد ما اتلسعت كام مرة وبقيت اخد بالي الايد لازم تبقى عازلة للحرارة لاننا بنستخدمها كتير وكمان اللمبة اللي كل ما افتحها تشغل الشواية دي! مفروض يعالجوا الحاجات دي لاننا بنتطور مش بنتأخر