مميزات وعيوب Black & White مكواه بالخار - بلاك & وايت

• 

  سارة عمار

  (6 سنة, 10 أشهر ago)

  إنها تشتغل عن طريق تزويدها بالمياه لحد مايتم ملء الخزان الصغير وعن طريق البخار، بيخلي الكوي كويس، لكن ممكن الأملاح اللي في المياه المتبقية بعد استخدامي تسد الفتحات بتاعة البخار. لازم تخلو بالكم من الصناعة، لأنه ممكن ميكونش سطحها من مادة اصلية فتلزق فيها الهدوم. هيا بالظبط 2200 وات قدرتها. فيه شكاوي من تنظيفها عشان تنظفيها محتاجاها تبرد ولو بردت صعب انك تغسليها كلها أو تنظفيها بحاجة. السلك طويل وقابل للثني وفي مكان اربطه عليه عشان يحفظه من التلف. قبل ما أبدأ اكوي بظبط درجة الحرارة، ويفضل قبل ما تتوصل بالكهرباء، بلاش وهيا متوصلة تفضلي تظبطي فيها. المكوة حلوة وبتكوي بشكل انزلاقي جميل، لكنها ما عجبتنيش في تثبيت الكسرات والجينز. بتكوي لحد 3 طبقات كويس أكتر من كده لاء، مينفعش تكوي بيها الستاير. المياه بعد ما املا الفلتر واحركها أو اقلبها مش بتنزل المياه منها أو تنقط. مش بتاخد وقت على بال ما تسخن، بتسخن بسرعة. قطع الغيار متوفرة بالطلب المكواة عبارة عن ملف حراري وموتور، وأي قطعة بتبوظ فيها خلاص كده، اشتري بتمن قطع الغيار واحدة جديدة و دي شكوى عامة من كذا مستخدم ليها. و أقصى ضمان لمدة سنتين بس الضمان مش بيفيد في الحالات المهمة وفعلًا بتكون عيب تصنيع زي القاعدة اللي بتقف عليها المكوة و ممكن تتكسر خدمة العملاء متاحة بس المكواة مش واخدة الاهتمام الأكبر الغسالات والثلاجات أهم و بالنسبة للصيانة للمكواة فنيين بس العميل يروح ليهم مش هما اللي يجوا لحد عنده.