مميزات وعيوب Beats Dr. Dre Studio سماعة رأس لاسلكية - أزرق

• 

  Samy Wafeeq

  (4 سنة, 4 أشهر ago)

  كانت عندي سماعة بيتس ستوديو لفترة طويلة وكنت بستخدمها على طول، مريحة جدا عالأذن ووزنها خفيف لكن كانت بتعرق لما أستخدمها برا البيت في الحر، خاصية عزل الضوضاء فيها رائع وبيظبط مستوى الصوت والعزل حسب المكان اللي انت فيه والضوضاء الموجودة، بتشتغل لاسلكي وسلكي ومعاها كابل بتتحكم منه في الوظايف بتاعتها زي الرد عالمكالمات أو تحويل الأغاني أو التحكم في مستوى الصوت، البطارية كويسة جدا بتستمر في حالة الاستخدام اللاسلكي لمدة 12 ساعة وبتقعد ضعف المدة لو لغيت خاصية إلغاء الضجيج لأنها بتاخد كتير من البطارية، البطارية قابلة للشحن، ومدى السماعة اللاسلكي حوالي 10 متر، كنت بستخدمها مع أندرويد ومفيش فيه مشكلة وطبعا بتقدر تستخدمها مع أي أجهزة ذكية عن طريق البلوتوث، سماعة قوية وخاماتها عالية وصوتها نقي جدا.