مميزات وعيوب APT هيلتى apt 1250 وات

• 

  Mona El Bagoury

  (6 سنة, 1 أشهر ago)

  الهيلتي ده عملي جدا وبيوفر مجهود كبير جدا وسهل استخدامه بجانب أن سرعته كبيرة وقوته عاليه جدا في إتمام مهام كتير، زي مثلا كونه قادر على اختراق كل أنواع الحوائط والأسقف والجدران الخرسانية اللي عادة بيبقي صعب خرمها بالشنيور العادي، وكمان ممكن يشتغل كدقاق بمعني أصح لما جينا نغير السيراميك بتاع البيت وحبينا أننا نشيل السيراميك القديم استخدمنا الهيلتي كدقاق من خلال زرار حول الهيلتي من وضع الدوران لوضع الدق عشان يضغط على أي شئ وبالتالي خلعه من جذوره، ده غير أنه قادر على تخليص مهام تانية كتير، بس وسط كل ده هتلاقي أنه بيتسبب في ضوضاء عالية جدا جدا ومزعجة جدا جدا فوق ما أي حد ممكن يتخيل الهيلتي قدرته عاليه وبيستحمل الشغل بشكل كبير جدا ولساعات كتير ورا بعضها من غير راحة ومن غير ما نشيل هم أن الماتور بتاعه يتحرق في أي وقت وده لأنه بيحتوي على 2 شربون داخلي علشان يديله طاقة أكبر بكتير من الشنيور، وكمان بيجي معاه أجنة للتكسير والقحط مع العلم أن الأجنة دي مجرد تغييرها بس بيساعدنا إن احنا نزيل أي طبقة سواء حوائط أو غيرها، بس في ظل كل المميزات الهايلة دي هتلاقي أنه بيستهلك كهرباء كتير جدا وبيخلينا نعاني بجد معاناه كبيرة جدا من فواتير الكهرباء العالية جدا