مميزات وعيوب ساعة منبه مضيئة إلكترونية مع شاشة كبيرة-أسود- 035
Soha Ahmad
(4 سنة, 7 أشهر ago)
أنا من الناس اللي بتعتمد على المنبه في الصحيان ومش بحب اظبط الموبايل، جبت المنبه الديجيتال دا والصراحة فيه مميزات حلوة وفيه عيوب برضه، هو بلاستيك مناسب في استخدامه، فيه إضاءة خلفية بتميزه جدا وتخليه واضح يعني بقدر أشوف الساعة فيه حتى في الإضاءة المنخفضة بوضوح، ديجيتال وبالتالي سهل ودقيق في القراية، وأرقامه كبيرة بتتشاف سهل وفيه غير الساعة المنبه اللي بيوضح انت ظابطه على كام، والتاريخ ودرجة الحرارة رغم إنها مش بتكون دقيقة أوي يعني بتقلل حوالي 3 درجات، صوت المنبه ضعيف مش قوي ودا بالنسبة لي ميزة لأني نومي خفيف ومش بحب أصحى على أصوات مزعجة لكن ممكن جدا تكون عيب لغيري لأنه مش بيصحى بسهولة ومش هينفعه المنبه دا في الحالة دي لأنه كمان مش بيستمر في الرن مدة طويلة وفي الحالة دي ممكن تستخدمه كساعة مكتب فقط، بيحتاج 3 بطاريات وبتعيش فيه فترة طويلة حسب نوع وجودة البطارية.
مراجعات ساعة منبه مضيئة إلكترونية مع شاشة كبيرة-أسود- 035