مميزات وعيوب انين

• 

  Dina Amir

  (8 سنة, 10 أشهر ago)

  تم إصدار هذة الرواية في 2010 و إطبع منها 8 نسخ. تدور الأحدث ف إطار خيالي إن بطل القصة بيصحا من النوم ومش عارف هو ميت ولا لسة عايش وبيبدء يكتشف إن عايش بس مع الوقت بيبتدى يشوف احداث مختلفة عن الواقع و ناس فى أزمنة تانية و ده بيخليه يحس ان حصله تناسخ ارواح مع اشخاص زمان كانت ليهم حياة مختلفة. الكتاب مركز على الاحداث السياسية الاجتماعية و سرد بعض أحداث الماضى عن طريق اﻷحداث اللى بيشوفها أو بيعيشها بطل القصة أكثر من اعتماد على التشويق و الغموض. لو عايز تقرا كتاب شيق عن تناسخ الارواح و ممزوج بلمسة رعب فالكتاب ده غير مناسب لك و هتحس بالملل منه بسرعة. اذا كنت من هواة الأحداث السياسية التاريخية و الاجتماعية كثورة عمال و مناضلتهم و رغبتهم فى الحرية و الكثير من الاحداث المتداخلة من غير تفسير فورى فالكتاب مناسب لك فى اجازة اخر العام. الكتاب يتكون من 332 صفحة, بدايته شيقة لأغلب القراء فهو بيركز على رغبة الجميع فى اكتشاف الحقيقة، و لكن تبدأ الأحداث بعد كده فى التشابك و التكرار لحد ممل.فالكاتب بيدخل من حدث للتانى من غير ما يدى أى تفسير للقارئ او علامة على ووجود أمل أو صلة لحل اللغز .المشكلة ان مع الوقت هتحس انك فقدت العلاقة بالكتاب. الكتاب ده غير مناسب تماما للقراءة على البحر او القراءة الخفيفة للتسلية فهو يحتاج شخص يتمتع بالصبر و عنده الوقت الكافى كى ينتظر لأكثر من 300 صفحة لكى يعرف فقط ما كان يحدث, حيث أن الكاتب يأخذك من حدث لأخر دون ان يعطيك نهاية أو تفسير أو صلة بين الحدث و ما قبله و ذلك لوقت طويل جدا قد يفقدك الرغبة فى تكملة الكتاب. هذا الكتاب مناسب لمن يهتم بالأحداث التاريخية و عنده صبر ووقت كافى انه يفضل يقرا و يحس انه مش بيوصل ل حاجة.