هدايا الكريسماس .. يا ترى ممكن تكون إيه ؟

هدايا-بسيطة-للكريسماس

كتب أماني سمير

الكريسماس قرب وكتير مننا بيحبوا يجيبوا هدايا لبعض كنوع من التذكار بالحب والمودة ولكن  اختيار الهدية المناسبة بتكون حاجة محيرة.. عشان كده ياقوطه حاولت تجمع شوية هدايا  مناسبة لليوم ده .. سواء كانت الهدية دي لبنت أو ولد أو حتى لكل أفراد العيلة .. جمعنها لكم عشان تختاروا من بينها وانتوا قاعدين في مكانكم .. واللي يعجبك سهل أوي تشتريه أون لاين وهيوصل لحد عندك أو حتى للي حابب تهديه له الهدية.

 1. بطاقة معايدة

تعتبر من أهم وأبسط الهدايا في الكريسماس .. لإنك بتكتب فيه باختصار كل اللي نفسك تقوله للي بتحبه وبتفضل ذكرى جميلة منك في اليوم ده تفضل معاه العمر كله في درج مكتبه أو في دولابه.

السعر 20 جنيه مصري

لشراء بطاقة معايدة من هنا

2. البيجاما العائلية

احساس حلو السنة دي لوكنت أب أو أم أو حتى ابن وابنه .. وجايب لك ولعيلتك بيجامات شبه بعض عشان تقضوا اليوم ده سوا بشكل مميز وجديد .. مش بس كده ده كمان في بيجاما للقطة والكلب عشان يفرحوا هما كمان معاكم بالكريسماس .. والجميل في البيجامات دي إنها مصنوعة من القطن عشان تكونوا مرتاحين ومبسوطين في جو عائلي ممتع ومختلف.

السعر 253 جنيه مصري

لشراء البيجاما العائلية من هنا

اقرأ ايضًا : هتلبس ايه فى الكريسماس

3. برواز صورة

ممكن تكون هديتك بسيطة ورمزية بس معناها كبير .. لما تجيب برواز صغير يشيل صورة  4 * 6 ، وممكن تحط فيه صورتك لحد بتحبه عشان يحطها عنده في الأوضه بتاعته ويفضل فاكراللحظة دي معاك.. برواز عليه عالم الكريسماس بشجرة الأرز المشهورة ورجل الثلج.. والهدية دي تنفع لأي حد كبار وصغار .. لصديقك  أو حبيبك.

السعر 45 جنيه مصري

لشراء برواز صورة من هنا

4. طقم لبانة وسكرية

لحظة حلوة لما تكون في بيت العيلة وبتحتفلوا سوا وجه الوقت اللي هتشربوا فيه الشاي. وفجأة تفتح هديتك وتديها لهم عشان يكملوا بيها طقم الشاي. والأحلى إن عليها رسومات الكريسماس (بابا نويل ورجل الجليد)، وكمان مصنوعة من البورسلين لزوم الفخامة، ومقاسها 10x 25 سم، ومع اللبانة والسكرية صينية صغيرة للتقديم والضيافة.

السعر 80 جنيه مصري

لشراء طقم لبانة وسكرية من هنا

5. كتاب “الهدية” لسيسيليا أهرن

تأخذك تلك الهدية لعالم سحري تعيش مع أحداثه وأبطاله لتستمتع بها وتخرج من ذلك العالم بدروس مستفادة وقيم حياتية تعيش بها في حياتك، يعني الهدية دي من نوع خاص ومختلف لعشاق القراءة وسحرها.

السعر 68 جنيه مصري

لشراء الهدية لسيسيليا أهرن من هنا

 6. فلاشة بميدالية مفاتيح ذهبية

أحلى حاجه في الهدية دي إنها حاجتين في حاجه واحده .. ميدالية للمفاتيح وفي نفس الوقت فلاشة تشيل لحد 16 جيجا، وتقدر تركبها في أي جهاز.. وكمان شكلها لايق أوي مع الكريسماس لأنها عبارة عن بوت من اللون الأحمر الذهبي .. وتقدر تهاديها لأي حد سواء بنت أو ولد، ومناسبة  تقريباً لكل الأعمار.

السعر 65 جنيه مصري

لشرا فلاشة بميدالية مفاتيح ذهبية من هنا

7. اكسسوارات الحمام

مصنوعة من البورسلين عشان تحط فيها كل أدوات النظافة الشخصية، ومزخرفة برسومات الكريسماس وألوانه الزاهية.. هتكون مفاجأة حلوة للعيلة لما يدخلوا الحمام ويلاقوا زينة الكريسماس وصلت للحمام بالهدية الجميلة دي اللي مصنوعة مخصوص لليوم ده. تحب تكون انت صاحب المفاجأة دي ؟

السعر 99 جنيه مصري

لشراء اكسسوارات الحمام من هنا

8. مج رجل الجليد

المج ده مصنوع من البورسلين ومرسوم عليه يدويا رجل الجليد وملون بألوان الكريسماس الزاهية الأحمر والأخضر والأسود، عشان يكون هدية مخصوصة لليوم ده تهادي بيه كل اللي بتحبهم. الفكرة فى المج إن كل ما الشخص هيستخدمه هيفتكرك.

السعر 130 جنيه مصري

لشراء مج رجل الجليد من هنا

اقرأ ايضًا: أفكار لزينة الكريسماس

9. غطاء للأيفون

مصنوع من خامة ذات جودة عالية عشان تحميه من أي خدش وتحافظ عليه لو وقع في أي مكان، وكمان لونه مناسب جدا لألوان الكريسماس، وخصوصا لو الهدية هتروح لحد معاه أيفون لونه أبيض.

السعر 45 جنيه مصري

لشراء غطاء للأيفون من هنا

10. مخدات للكنبة

حلو أوي إنك تشارك في تزيين ديكور البيت في حفلة الكريسماس بهدية تناسب اليوم ده عشان كده جبنا لك شكلين من المخدة الصغيرة اللي ممكن تحطها على الكنبة أو الفوتيه..

مخدة صغيرة برسمة الغزالمصنوعة من قماش الستان الناعم وعليها رسومات الكريسماس المعروفة (رجل الجليد والغزال) بألوانه الزاهية الأحمر والأبيض

السعر 50 جنيه مصري

لشراء مخدة صغيرة برسمة الغزال من هنا

11. مخدة صغيرة بنقوشات من الورد

ميزة المخدة دي إنها شغل يدوي بنقوشات من الورد بألوان الكريسماس الزاهية الأحمر والأخضر.

السعر 85 جنيه مصري

لشراء مخدة صغيرة بنقوشات من الورد من هنا

12. قطار لعبة

القطار عبارة عن 24 قطعة مصنوع من الخشب، هو عبارة عن لعبة تقويم قدوم الكريسماس لكن على شكل القطار، عربات القطار متقسمة لأدراج صغيرة كل واحدة فيهم عليها تاريخ من أول يوم 1 لحد يوم 24 ممكن تحط فى كل درج هدية صغيرة  أو حتى أمنية للسنة الجديدة لحد ما تيجى ليلة الكريسماس.. تقدر تعمل كدا انت وكل فرد فى الأسرة كل يوم. اللعبة دى هيحبها الكبير والصغير. شكله القطار مبهج جدا وعليها كل ما تتخيله من زينة الكريسماس زى بابا نويل وشجرة الكريسماس.

السعر  397 جنيه مصري

لشراء القطار اللعبة من هنا

13. مناشف صغيرة

توضع في الحمام لتكمل زينة الكريسماس، وهي مصنوعة من القطن ومطرزة بأشكال الكريسماس المختلفة، وهتكون هدية جميلة منك إذا كنت واحد من العيلة؛عشان تشاركهم في تزيين المنزل بزينة الكريسماس واكسسوارته المختلفة في كل مكان في البيت.

السعر 250 جنيه مصري

لشراء مناشف صغيرة من هنا

14. شمعة فضية

مصنوعة من الجليتر الفضي على شكل أدوار، ومزينة بشريط ستان أحمر من الأسفل على شكل فيونكة، تعطي جمال وشياكة في هذا اليوم بإضائتها المميزة التي تضفي جو من الرومانسية والأجواء الخلابة التي لا تتكرر كثيرا.

السعر 70 جنيه مصري

لشراء شمعة فضية من هنا

15. حامل المناديل الورقية

مقاسها 20 سم ومصنوعة من الخشب بأشكال الكريسماس وألوانه الأحمر والأخضر والأبيض .. وممكن تحطها في أي مكان في البيت، المطبخ أو الحمام أو حتى في الصالة عشان تستخدمها وقت ماتحتاجها وكمان تكمل بيها زينة البيت في اليوم ده.

السعر 13 جنيه مصري

لشراء حامل المناديل الورقية من هنا

ياقوطة دايما موجودة عشان تساعدكم، متنساش إنك ممكن تدخل على www.yaoota.com .. وتدور على اللى نفسك فيه و كمان هيجى لك لحد البيت فى أقل وقت ممكن..

Leave a Reply

Your email address will not be published. Required fields are marked *